كنت لسه بادي ألملم في الحاجات
والحاجات كانت كتير
والزمن مكنش فيه بقى وقت يكفي
أصل الحاجات كانت كتير
وكل حاجة كان بيبقى فيها شئ مالذكريات
ولما منهم حاجة تسقط عالبلاط
يشتغل فيلم المواجع
والمواجع كانت كتير
زيها زي الحاجات
..
شوت واحد
.
ورقة بيضا وفيها نقطة
والنقط كانت كتير
يعني بالنسبالي ذكرى
زي كتير مالذكريات
يمكن تكون بالنسبة ليك النقطة نقطة
بس بالنسبالي ممكن تبقى حلم
شوف بقى كام حلم مات
شوف بقى كام ورقة ماللي فيها نقطة
ضاعوا وسط الذكريات
وانا .. كنت لسة بادي الملم في الحاجات
والحاجات كانت كتير
والنقط كانت كتير
والحياة بالنسبة لية
بقت يادوب حاجة من وسط الحاجات
مرة أخرى تنتصر إرادة جماهير الثورة المصرية بإقالة وزارة الفريق أحمد شفيق وتكليف د.عصام شرف بتشكيل وزارة جديد. كان اسم د.عصام شرف موجودا في قوائم شعبية تقترح وجوها من الكفاءات للتواجد في وزارة الفترة الانتقالية. واستمرت قوى وجماهير الثورة في الضغط والاحتجاج متمسكة بمطلبها وحقها في وزارة جديدة بعيدا عن وجوه النظام الفاسد البائد حتى انتصرت إرادتها. نهنيء د. عصام شرف على هذا التكليف الشعبي ونأمل أن يكون محل ثقة جماهيروقوى الثورة وأن يأتي تشكيل وزارته وأدائها معبرا عن الإرادة الشعبية التي تريد استمرار الثورة حتى تحقيق كل أهدافها، وأن تكون باقي أسماء الوزارة من وجوه جديدة يثق بها الشعب المصري وأن تكون بعيدة عن الولاء للنظام الذي قامت الثورة لإسقاطه. ونتعهد ببذل الجهد لدعم الوزارة الانتقالية خاصة في الملفات الأكثر الأكثر إلحاحا التي لا تزال مطلبا لجماهير الثورة:
كما نشكر المجلس الأعلى القوات المسلحة على انحيازه لمطالب جماهير الثورة بشأن وزارة شفيق ونطالبه بالاستمرار في ذلك حتى تحقيق كافة المطالب.
أجمعت أغلب قوى الثورة و القوى الوطنية و المجتمع المدني في مصر على ضرورة حل حكومة أحمد شفيق التي تمثل بقايا النظام البائد و حل محلها بحكومة مدنية من الكفائات المشهود لها بالنزاهة و الاستقالية و المعروفة لدى جموع الشعب.
تم التعبير عن ذلك المطلب في بيان ائتلاف شباب ثورة الغضب و بيان لائتلاف الجماعات الحقوقية و بيان ائتلاف المهنيين.
بمبادرة من مدونين و نشطاء مستقلين طلب من المهنيين اعداد قائمة بالأسماء المناسبة لغشل تلك الوزارة بحيث ينطبق عليها الشروط التالية:
و بالفعل على هامش الاجتماع التأسيسي لائتلاف المهنيين قامت مجموعة من المهنيين و أساتذة الجامعة باقتراح قائمة موسعة و أكثر من شخص لكل منصب، و تطرح هذه القائمة على قوى الثورة و خصوصا الشباب لاختيار ما يفضلونه منها و تطرح على المجلس العسكري لاثبات أن لا نقص في الكفائات و لا داعي لاستمرار حكومة شفيق المرفوضة شعبيا و الفاشلة اداريا
وزير صناعة أسبق، استقال من وزارة عاطف عبيد اعتراضا على سياسات الانحياز لمصالح رؤوس الأموال و خصوصا الأجنبية
رئيس الجهاز المركزي للمحاسبات عمل كمستشار بمجلس الدولة و اشتهر بمواقفه المحاربة للفساد
كاتب و مفكر و خبير اقتصادي شهير، تقلد العديد من المناصب المحلية و الدولية و حاليا مستشار بصندوق النقد العربي
نائب رئيس المحكمة الدستورية العليا ذائعة الصيت كقاضية و خبيرة قانونية
رئيس نادي القضاة السابق و أحد قيادات تيار استقلال القضاء
نائب رئيس النيابة الادارية، اشتهرت بعد فضحها تزوير الانتخابات بدوائر دمنهور في انتخابات مجلس الشعب 2005 و أشعلت شرارة انتفاضة القضاة
استاذ فلسفة قانون بكلية حقوق جامعة الزقازيق و صاحب نقد متكامل للدستور 71 و خبير بأمور القانون الدولي و الاتفاقات الدولية و عهود حقوق الانسان
محام و نائب سابق لمحكمة النقض و رئيس سابق لنادي قضاة الاسكندرية و أحد زعماء تيار استقلال القضاء، من أول من طالب باشراف قضائي كامل على الانتخابات
خبير اقتصادي بمركز الأهرام للدراسات الاستراتيجية و له أبحاث و مؤلفات مهمة عن الفساد الاقتصادي في عهد مبارك، التهرب الضريبي من قبل الشركات الكبرى و عن كيفية تنفيذ حكم الحد الأدنى للأجور.
باحثة في علوم النبات و مديرة لمشروع كالت نيت للتوثيق للتاريخ الحيوي بمصر
أولا تشكيل مجلس رئاسي مزدوج (مدني عسكري) تسلم له السلطة، بحيث يكون تشكيله:
ثانيا تشكيل لجنة للاشراف على عملية مطاردة الفساد في الدولة و فتح ملفات المسئولين السابقين برئاسة السيد جودت الملط رئيس الجهاز المركزي للمحاسبات و يضم اليها الأجهزة التالية:
رجاء نشر تلك المقترحات على أوسع نطاق و النقاش فيها، الفترة الانتقالية مهم جدا أن تتم بقيادة من يمثلنا و يجب أن تكون تحت رقابة شعبية يقظة
عن الداخلية
في محاولات كتير اليومين دول للمصالحة بين رجال الداخلية الأشاوس والشعب المصري العظيم بعد الخيانة العظمى اللي تمت من جانب الداخلية في الثورة اللي مفهوم أسبابها
عن نفس .. أنا لن أحترم ولا أطمن لظابط تابع لهذا الجهاز اللعين حتى يتم محاسبة كل الخونة في الجهاز و بالنسبة لي الخونة مش هم القيادات اللي اعطت أوامر بالضرب والسحل والقتل والإعتقال ولكن كل ظابط شارك بأي شكل في المهزلة دي حتى لو كان بالسكوت..
امبارح في حلقة العاشرة مساءً منى الشازلي جابت أربع ضيوف .. خبير أمني وهو كان قيادي سابق في الجهاز الأوسخ أمن الدولة وظابط أمن مركزي إسمه مصطفى وظابط تاني إسمه محمد والمحترم أمير سالم
وإستغربت جداً انها جايبة واحد سمعته زي الطين عشان يهدينا تجاه الداخلية راجل كان بيطلع ايام الرئيس المخلوع في التليفيزيون عشان يدافع عن الشرطة والنظام وحبيب العادلي اللي مش مستبعد انه يكون من تلاميذه بما إنهم من أبناء جهاز واحد والجهاز ده عالأخص هو تنظيم سري للفساد والبطش وكلهم عندهم ولاء غير عادي لبعض حتى الآن .. وكانت النغمة ان الداخلية كان فيها بعض الفساد وانه كان متمثل في حبيب العادلي وبعض المحيطين به ولكن الباقيين حاجة تانية حتى جهاز أمن الدولة كلهم ملايكة ومظلومين أمتر مننا .. ماشفتش افتراء أكتر من كده وحماقة واستمرار في معاملة الشعب المصري على انه مجموعة من الرعاع و القصر … وأنا أرفض هذه النغمة
تاني حاجة وردا علي الظابط مصطفى بتاع الأمن المركزي اللي كان بيقول إنهم ملايكة ويعيني متغيروش من يوم ٢٥ .. أنا اتضربت يوم ٢٥ من حوالي ٢٥ عسكري أمن مركزي و خمس ظباط ومراتي اتضربت برضه منهم بكل قسوي .. ولو هنقول ان العساكر غلابة ومش بيفهموا وواخدين أوامر فمين اللي مديهم الأوامر ؟؟ ظباط شباب .. شبه مصطفى وفي سنه وأكيد هو واحد منهم بما انه كان في الميدان ..
وعن نفسي في ظابط تقريبا في سن مصطفى كان ماسكني من دراعي والعساكر بيضربوني وسألني مالك انت كويس وبالمناسبة انا وشي كان غرقان دم … وكان في كلب ورايا لا يتوقف عن ضربي بالهراوة علي رأسي .. مردتش عليه قاللي طيب موجوع وردتش عليه لأني عارف ردوده هتبقي ازاي .. فلما مردتش انهال عليا ضرب ورماني لخمس عساكر وقالهم محدش يضربه .. وهم لما بيسمعو الكلمة دي بيتجننو يضربوا جامد .. وهكذا وبين كل مجموعة عساكر كان في ظابط وبيضرب معاهم .. وآخر اتنين شفتهم كان الظابط الكبير اللي واقف عند كوردون الجامعة الامريكية وجنبه اسماعيل الشاعر والاتنين كانو بيشرفو على الضرب والسحل فأول ماشفني الظابط الكبير بتاعهم جري عليا ونزل ضرب فيا بهستريا كل ده عشان اعتزرلي في نص اليوم لأن من غير سبب يوم ٢٥ العصر كلب من كلابه ضرب اخت مراتي بالعصاية على دماغها وهي واقفة متعملش حاجة والكلب كان واقف وراها لأن من شيم كلاب الداخلية الجبن بدليل عدم نزولهم الشارع حتى الآن ..
فأرجو من أي متعاطف مع كلاب الداخلية إنه يخلي نصايحه لنفسه ويعرص براحته بعيد عني .. وبالمناسبة دلوقتي حالاً في ظباط أمن مركزي بينظموا المرور في ميدان التحرير :)
* في ظلبط أحمق اتكلم في التليفون عشان يدافع عن الأمن المركزي فقال إيه .. ان كسم صياعة مبارك والعادلي زودو عدد الامن المركزي لأن معاهدة السلام بتحد من عدد قوات الجيش ياخي أحه زي متكون اسرائيل على حدود وسط البلد
مصر أم الدنيا قالت كلمتين
يسقط مبارك فالرحيل بقى فرض عين
٣٠ سنة وأكتر كاتم نفس ملايين
والثورة قامت هنا خليتنا بني آدمين
عيون شباب مبتسم وكلنا معارضين
فيبعتولنا وحوش قال أيه عشان خايفين
مطالبنا متوحدة يرحل عشان قاعدين
وفي الميدان اتولد وطن جديد ومتين
ميدان يدين الخيانة والثورة هي الشعب
وزارة يعني تكية وعايزة تسقط شعب
واشعب اسقط نظام وعلم الخاينين
والحر قال كلمته ارحل بقى يا لعين